Hafdís Erla

Nýtt blogg

Tue, 26 Jun 2007 20:46:37 GMT

Hæ!

Eiginlega er ég að hugsa um að prófa nýtt blogg þar sem ég get aldrei komið inn myndum hér.

Er að vinna í því en komin með síðu sem er hafdisboga.bloggar.is

Nú er að sjá hvort myndirnar skili sér inn, ég ætla jú að vera dugleg að taka myndir á næstunni.

Ef þið eruð með hugmynd af betra svæði þá endilega látið vita.

Hafdís

Komnar heim!

Tue, 26 Jun 2007 15:09:44 GMT

Komið þið blessuð og sæl.

Jæja þá erum við mæðgur komnar heim eftir þetta ágæta sumarfrí okkar. Langt ferðalag að baki en í fyrradag lögðum við af stað frá hótelinu okkar á Lanzarote klukkan 19:00 að íslenskum tíma og lentum í Keflavík klukkan hálf fjögur um nóttina. Gistum á gistiheimili þar og vorum komnar í háttinn um hálf fimm. Vöknuðum síðan klukkan tíu og lögðum af stað til Reykjavíkur þar sem við borðuðum með Frey og heim á leið uppúr klukkan eitt. Stoppuðum hjá henni Svandísi á Höfn og borðuðum kvöldmat, þetta dásamlega læri, eins og Svandísar er von og vísa að fæða mann vel ef maður lendir þar. Nú Hafþór Bogi átti afmæli svo við lentum í grillið. En vorum komnar til Egilsstaða klukkan hálf ellefu í gærkvöldi. Ég verð að viðurkenna það að ég er enn haldin ferðaþreytu. Enda tók ég uppúr töskunum í dag og gerði pínu svona fínt og nú ætla ég að njóta þess að leggjast yfir sjónvarpið með henni Björk og Trítli.

Sá var glaður þegar hann hitti okkur í gær. Maður þurfti ekki að þvo sér í framan hann sleikti mann svo af gleði. Æ, það var nú gott að sjá þennan litla hnoðra. Hrafn var nú líka að ég held ánægður að fá okkur mæðgur....

Annars ætla ég að prófa að setja inn nokkrar myndir og sjá hvort það virkar. Keyptum okkur þessa fínu myndavél í fríhöfninni svo gaman að því.

En annars bara hætt í bili.

Bless Hafdís

kakkalakkar og kameldyr!

Thu, 21 Jun 2007 12:25:41 GMT

Halló!

O, shit, ekki er skemmtilegt ad turfa ad pissa á nóttinni og turfa ad byrja á tví ad berjast vid kakkalakka. Tetta er í fyrsta sinn í útlondum sem ég lendi í tví ad kakkalakkar eru í íbudinni minni. Í nótt var tad í tridja sinn sem slík skepna var inná badi og shit hvad tad er pirrandi. En tok tessu med stokustu ró, blótadi smá og svo bara eitur og blad oná, kraminn og í klósettid med hann.

Nú annars var gaerdagurinn frábñr. Fórum á bak á kameldýri og tad var mjog gaman. Sídan var farid í dýragard og heitur dagur en skemmtilegur.

Erum bara frekar rólegar í dag, tokum helst annan hvern dag í eitthvad rolt og slíkt en slokum á tess á milli.

Erum nú frekar lítid sólbadssjúkar. En audvitad reynir madur ad nota sólina tessa sídustu daga.

Annars er allt gott ad frétta. Enginn sólbruni hjá okkur Bjork, hinar búnar ad jafna sig. Gott fólk hér fjolskyldufólk og mikid af einstñdum mñdrum.

En bestu kvedjur heim. Hlakka til ad hitta ykkur.

Kvedja úr sólinni og endilega commetid eda sendid bréf á heb@simnet.is ef eg tarf ad kaupa eitthvad fyrir ykkur í fríhofninni td.

Hafdís

17-júní

Sun, 17 Jun 2007 16:54:27 GMT

8)Halló!

Alltaf adeins kíkt í tolvuna eftir sturtu. Enn frábaert allt hér og fognudum 17.júní, hópurinn saman út ad borda og aldeilis frábñr matur! Hladbord og ekkert venjulegt, ítalskt og ég er komin med algjora ást á ítolskum mat! Erum ad fara saman nokkur í kvold ad borda á ítolskum stad sem er hér. Reyndar fjórar einstñdar mñdur saman og einn vinur einnar....og svo audvitad fullt af bornum.

Erum búnar ad vera rólegar tvo sídustu daga og bara verid í gardinum í sólbadi. Forum oftast mjog snemma í rumid og bara slokum á. En mjog gaman.

Annars bara vona ég ad allt gangi vel hjá ykkur sem tetta lesid. Erum ad spá í ad fara nidri hofudborgina hér á morgun.

Hrafn minn var ad skoda golfid frá í gñr. Snillingur ertu. Munda ad borda og vinna ekki alltof mikid elskan. Kossar til ykkar

Freysa og Trítils og ykkar allra.

erum ekkert sólbrunnar vid Bjork.

Bless Hafdís

Smá fréttir frá okkur í sólinni!

Fri, 15 Jun 2007 15:47:47 GMT

Halló.

Já, svosem ekki eins og eg hangi inni í tolvunni en skrapp adeins inn til ad kíkja á fréttir ad heiman.

Hér er búid ad vera frábñrt vedur og vid hofum nú farid rólega í sólinni. Í dag er pínu skýjad og notalegt í gñr var eiginlega fyrsti svona dagurinn sem vid vorum bara heima í sólbadi annars hofum vid bara verid duglegar ad labba og svona.

Sofum alltaf frameftir og eiginlega algjor afslloppun. Ñtlum á bak á úlfalda og dýragard í nñstur viku. Ég búin ad afreka ad fara í sundlaugina.

Nü í kvold erum vid ad fara út ad borda med hópnum og halda uppá 17.júní. Hér er mest fjolskyldufólk og gódur hópur.

Annars dreymdi mig í nótt ad hún Svandís systir var dáin. Og mikid lifandis skelfing sem ég grét. Var ad spá í tau yrdu ad muna ad ég skyldi setja inn dánarfregnina í útvarpid. He. svona draumar eru nú gódir og merkja langlífi.

En annars bara gott ad frétta hjá okkur og sól og saela!

Bestu kvedjur til ykkar allra.

Hafdís

Ég fer í fríið!

Tue, 05 Jun 2007 10:24:39 GMT

Góðan daginn.Jæja, verð nú aðeins að segja bless áður en við förum í sumarfríið. En semsagt ætlum að fara á Höfn á morgun, annaðkvöld og gista hjá henni Svandísi. Hrafn og Siggi ætla að spila golf á Höfn áður en við förum til Reykjavíkur. En smá listi yfir hvað við erum að fara að gera og hverjir eru að fara í ferðalag.Semsagt við við Björk erum að fara til Lanzarote á sunnudag. Verðumþar í hálfan mánuð ásamt Ólafíu vinkonu Bjarkar og Erlu vinkonu minni(mömmu Ólafíu).Hrafn og Siggi eru að fara að keppa á golfmóti í Hafnarfirði. Kaupþingsmótaröðin. Skvísurnar sem eru á ferð erum við Björk og Gígja Rún sem er búin að vera hjá okkur í nokkra daga. Virkilega gaman að vera búin að hafa hana. Birta búin að vera með þeim stelpunum nánast allan tímann og þær hafa allar bara „fílað sig í tætlur“ eins og sagt er.Nú í stað þess að troðast hjá honum Freysa í litlu kytrunni hans, þá tók ég bara íbúð og það er auðvitað algjör lúxus. Verðum það lengi að það er best! Svo krakkar mínir bara koma í heimsókn.Annars er bara allt fínt að frétta héðan. Dreymdi mikið í nótt, ma. Gulla bróður, hann var á lítilli þotu að fljúga. Og við vorum með honum. Líka að ég var að keyra eitthvað og keyrði á 80 og löggan stoppaði mig! Fékk svo ekki sekt heldur bara koss! He.Já, margt að hugsa núna og vissulega notaleg tilhugsun að vera að fara í frí og geyma áhyggjurnar í nokkra daga. En bestu kveðjur til ykkar.Hafdís

Smá svona spjall...

Tue, 29 May 2007 14:22:20 GMT

Hæ, hæ!

Jæja langt síðan síðast. Enda hef ég nú svosem ekki verið neitt við tölvu undanfarið og ekkert saknað þess. Hér á Egilsstöðum skín sól í dag og indælt veður. En...semsagt af hverju hef ég ekki verið við tölvu. Jú við fórum á föstudagsmorgun suður á bóginn í hálfgerðu skítaveðri hér amk. Öxi var ekki skemmtileg og ég sem er komin á sumardekkin (bíllinn sko) var nú ekki par hrifin af krapanum og hálkunni á Öxi og hjartað satt að segja sló hraðar þegar ég fór í fyrsta niður hæstu brekkurnar. En komst þetta klakklaust og hittum Frey á Kfc á Selfossi um kvöldið og fengum okkur að borða og síðan var lagt af stað í Minniborgir í Grímsnesi. Bústaðurinn æðislegur, glænýr og við í raun fyrstu gestirnir. Tvö herbergi, stofa og allar græjur, uppþvottavél, allar sjónvarpsrásirnar og heitur pottur á pallinum. Algjör sæla. En ástæða ferðarinnar var fyrst og fremst golfmót á Hellu sem Hrafn tók þátt í. Íslandsmót unglinga og vöknuðum við fyrir allar aldir og keyrðum austureftir, rok og kalt en eins og Hrafns var von og vísa spilaði hann vel.

Eldaði þessa dýrindis steik handa okkur á laugardagskvöld. O, maður hugsar nú sjaldnast um annað en borða þegar þannig stendur á. En amk. Hrafn átti góðan dag þrátt fyrir kuldann og ekki var verra hjá þeim krökkunum að hafa heitan pott til að henda sér í.

Svo skemmtileg tilviljun að Eyrún, Gísli, Gígja og Daníel voru á sama stað og það var sko gaman að hitta þau. Á sunnudeginum fór Gísli með Hrafn á mótið og spilaði hann enn betur þá, fór á 79 en fyrri daginn á 81. Lék á hvítum teigum. Frábær árangur hjá stráksa sem hefur nú aðallega unnið síðan skólanum lauk og lítið æft sig í golfi. En förum næst suður eftir tvær vikur þá mót í Hafnarfirði og við Björk út í sólina....æðisleg tilhugsun.

En mikið finn ég hvað ég vinn betur eftir að hafa fengið svona gott frí. Miklu skemmtilegra og betra að koma í vinnuna, ekki spurning! Og þessir dagar okkar voru svo frábærir að ég er sko alsæl. Geri mér sko alltaf betur og betur grein fyrir því hvað ég er heppin og í raun hamingjusöm manneskja;) he. ER ekki að grínast. En eins og við vitum getur það allt breyst einn daginn, kannski verð ég hamingjusamari, kannski ekki, en það er bara málið að gefast aldrei upp, ekki halda að grasið sé alltaf grænna hinu megin heldur bara horfa á það sem maður á og hefur og gleðjast yfir því!

En hvað get ég sagt ykkur meira, jú klippti Freysa...setti á hann rakvélina, snöggt en ekki snoð!

Alltaf jafn gaman að hitta hann elskuna. Sannkallaður gleðigjafi...

Tja annars er ég bara spræk og ætla að halda áfram að vinna. Trítill var í pössun hjá Siggu og Lottu vinkonu sinni. Gekk vel. Nú er í dag í sólinni hjá Bríeti, hefur lagt ást á hana;)

En nú komum klukkan ellefu í gærkvöld heim úr ferðalaginu, stoppuðum á Höfn og fengum þetta dýrindis læri hjá systur minni.

Þarf að fara svo heim að taka uppúr töskunum. Skreið sko beint í bólið í gær. Björk að fara í skólaferðalag í fyrramálið svo þurfum að pakka fyrir það.

Hafið þið það sem best.

Hafdís:lol:

Sennilega myndarlegasta húsmóðir í heimi hér!!!!!!!!!1

Mon, 21 May 2007 17:19:01 GMT

Tja amk í þessari húsalengju í dag...he.

Vá hvað ég var dugleg. Búin að taka allt svo vel í gegn, líka laga til í öllum fataskápum eða þannig. Og það kallast dugnaður á minn mælikvarða sko. En reyndar búin að nota þurrkinn og hengja á snúruna hjá Bríeti. Æði, allt svo hreint og fínt. Verður gaman að horfa á tvöfaldan Grays anatomi í kvöld.

Annars allt fínt að frétta, pabbi hringdi í gær að kanna hvort ég gæti útvegað honum textann "fráskilin að vestan", lagið hans pabba...he. Ekki ósjaldan sem hann hefur spurt þegar ég datt inn til þeirra "hvernig byrjar aftur "fráskilin að vestan". Nú þeir semsagt einhverjir eru að fara að troða upp þarna úti og þetta er eitt af lögunum sem á að taka. Alltaf gott hljóð í þeim.

Freyr byrjaður í Landsbankanum, Hrafn að vinna á golfvellinum á morgnana og Hole in one eftir hádegi. Síðan er bara golf hjá honum fram að miðnætti nánast. Við Björk bara heima núna og ég í fríi líka á morgun og svo föstudaginn suður. Og hvað morgundaginn varðar þá er spurning að sofa fram að hádegi...svo vinsamlega ekki hringja fyrr en í fyrsta lagi ellefu...he

Vorum boðin í mat til Ágústar og Bríetar í gær, og það er sko ekki að spyrja að því að það er alltaf sama veislan þar á bæ. Heiðdís og Andrea og við og mikið borðað.

Ég ætla svo að elda loks humarpasta í kvöld. Spurning að fara aðeins með hundinn í smá hlaup fyrir matinn.

Æ, ég er sko örþreytt húsmóðir núna og þetta er sko full vinna. Engin á að gera lítið úr því sem er að vera heimavinnandi, ég tala nú ekki um þegar börnin eru lítil. He. Þegar maður er að vinna og allir úti þá er þetta allt öðruvísi.

En svona er lífið.

Hafdís

Það er sunnudagsmorgunn........

Sun, 20 May 2007 10:51:42 GMT

Og sólin hún skín. Búið að rigna þessi lifandis býsn undanfarið og æði að fá sólina aftur. Hrafn farinn í golf með Ómari, Ágústi og Óla lækni. Nú er golfið komið á fullt hjá honum, var í golfi til rúmlega hálf ellefu í gær á föstudagskvöldi þessi elska. Við á leiðinni á Hellu um hvítasunnuhelgina þar sem hann keppir á sínu fyrsta móti sumarsins, íslandsmótinu. Tók sumarbústað fyrir okkur þar sem við ætlum að vera, Freyr bætist í hópinn svo gaman að því. Hlakka til að grilla og hafa gaman.

Nú vorum á Fjarðaálsmótinu í fótbolta í gær þar sem Björk var að keppa. Mjög gaman að því. Björk hefur sko farið gríðarlega fram í fótboltanum og ég hlakka bara til með að fylgjast með henni í framtíðinni.

Annars er ég í fríi á mánudag og þriðjudag og hér hefur sko ekkert verið hugsað um eitthvað heimilishald um helgina. Bara notið þess að slaka á. Förum svo á föstudag suður og þarf því að bæta við einum frídegi þá. Þið eruð sko velkomin í grill til okkar krakkar sem eruð fyrir sunnan og þetta lesið. Heitur pottur við bústaðinn svo bara taka sundfötin með sér.

Nú hlýtur að fara að koma að því að ég fari að vinna í getraunum eða einhverju. Dreymdi í nótt að ég var inná einhverju klósetti og þar við hliðina var hreint út sagt haugur af kúk sem ég spurði Björk af hvort hún hafi kúkað. Alltaf bættist í hauginn en hún vildi nú ekki viðurkenna svo var ég farin að hugsa um að ég þyrfti að fara að taka hann upp.

En er að hugsa um að klippa Björk snöggvast áður en við förum í sturtu.

Bless Hafdís

Fyrsti í sumarfríi!

Fri, 18 May 2007 10:20:31 GMT

Hæ.

Jæja í dag er fyrsti dagurinn minn í sumarfríi. Í gær frídagur og við fórum í bíó aldrei þessu vant. Fjarðabíó eins árs og buðu í bíó og þær skvísur Björk, Ólafía og Snærós komu með á mr Bean. Mjög gaman en hrikalega kalt í bíóinu...brrr. Nú svo skellti ég mér á golfvöllinn og sló tvær fötur með nýju kylfunni minni sem er frábær. Held ég bara verði skítsæmileg í sumar...he. Amk ætla að reyna að komast hringinn á minnst 80 höggum. Það er fyrsta markmiðið.

Annars ætlaði ég sko að skríða aftur uppí í morgun þar sem ég var sko á þeim buxunum að vera löt og sofa til hádegis. En auðvitað ekki, skutlaði Hrafni útá golfvöll klukkan átta. Björk og hennar vinkonum í skólann klukkan hálf tíu svo með Trítil að hlaupa og hvað nánast komið hádegi svo það er nú of seint að skríða uppí.

Fótboltamót hjá Björk á laugardag. Hrafn að fara á íslandsmót í golfi á Hellu um aðra helgi. Og kannski fer ég með hann. Kemur í ljós.

Mikið að gera á þessum sumartíma hvað mót varðar og ekki spurning að fara út og suður til þess. Ég reyndar stefni á Rúv mót í sumar. Þarf ekkert að vera orðin góð til þess. Þar eru bara áhugamanneskjur, auðvitað margar góðar en samt. Fór einu sinni með Hrafn á eitt slíkt og auðvitað rúllaði hann liðinu upp eins og hans var von og vísa.8) Ég var nú bara caddý þá.

En hætt, farin að drekka aðeins meira kaffi.

Bless Hafdís og Trítill í sumarfríi.

Já veit...............

Tue, 15 May 2007 16:17:44 GMT

Nei þetta gengur nú ekki.

Hef ekki bloggað í háa herrans tíð. En semsagt best að skella inn nokkrum línum.

Kalt í dag..........brrrr.

Árshátíð í skólanum hjá Björk í kvöld og svo bara ball hjá henni til miðnættis, svo eins gott að ég geti horft á eitthvað skemmtilegt í sjónvarpinu. Nei, gaman að þessu og hún fékk nýjan kjól fyrir árshátíðina og utanlandsferðina. Langt síðan

hún hefur leyft mér að velja með sér eitthvað og kjóllinn er svo fínn á henni og hún svo falleg stelpan mín.

Nú Hrafn vinnur mikið þessa dagana. Fer útá golfvöll með Sturlu um hálf átta, vinnur þar til hádegis og svo í Hole in one klukkan tólf og til sex þar. Var kominn aftur útá golfvöll eftir kvöldmat í gær og býst við að þeir taki svona törn eitthvað.

Freyr er búinn að fá sumarvinnu í Landsbankanum. Getur labbað í vinnuna svo frábært það.

Já ég er sko heppin með það hvað þau eru dugleg og góð þessi börn mín. Sannarlega og veit það vel og skammast mín sko ekkert fyrir að viðurkenna það. Þetta er víst ekki neitt sjálfgefið að eiga svona gullmola.

Nú svo er vinnudagur á morgun og svo er ég komin í frí fram á miðvikudag. Ætla að hafa gaman að því að dúllast heima, seinkaði fríinu mínu aðeins þar sem prófin hjá Björk eru ekki fyrr en í næstu viku. Taka þrjá sumarleyfisdaga til að leyfa henni Lísu að prófa að vera ein áður en ég sting af til útlanda.

Trítill er vissulega orðinn gríðarlega spenntur að hitta hana Susy..he. hann er nú ljúfur eins og lamb en gæti nú fyrst aðeins gelt á hana og látið hana vita hver ræður. Sé nú alveg fyrir mér að þær frænkur verði nú pínu hræddar um hana....en gaman að fá þær skvísur austur.

Nú annars er bara verið að undirbúa ættarmót sem verður hér fyrir austan 13-15.júlí. Svo þið sem ætlið að mæta eigið að láta mig vita eins fljótt og þið vitið eitthvað.

Gott hljóð í mömmu og pabba úti. Alsæl með sig í góða veðrinu.

En hvernig væri nú að commenta og leyfa mér að sjá hverjir eru að kíkja hér.

ps. ef þið viljið heyra fréttir héðan að austan þá er að fara inná ruv.is og finna Svæðisútvarp ...

Bless Hafdís

Snjór, snjór!

Sat, 12 May 2007 10:50:44 GMT

Góðan daginn.

Vá hér er allt bara nánast á kafi í snjó. Alveg óhætt að kalla það það, því það er bara þó nokkuð mikill snjór og hrynur svoleiðis af þakinu hér að það bara brúmmmmm.

Annars kjördagur í dag og nú er bara að kjósa rétt, hvað sem það nú er!

Trítill í þvílíku stuði í morgunsárið. Fór út að pissa og hlaupa í snjónum og getur bara ekki stoppað hlaupin. Finnst sennilega voða gaman að við skulum vera heima til tilbreytingar svona í morgunsárið. Hrafn fór í golf í gær, alltaf þegar hann kemur heim af golfvellinum lyktandi af útveru og einhverju slíku þá er Trítill svo kátur að hann sleikir hann í framan þannig að hinn á í vök að verjast fyrir andlitsbaðinu. Var fyrst hræddur þegar hann kom heim í útgallanum með húfu en svo bara tonn af slefi og gleði.

Björk ætlar að hafa partý í kvöld, eurovision kveðjupartý fyrir vinkonu. Ég verð að stinga af að heiman, get nú hreiðrað um mig heima hjá mömmu og pabba.

Hrafn að fara að vinna á laugardegi, ég get víst ekki skutlað honum þar sem bíllinn minn var "módel" í rúðuskiptum í gær og fyrir vikið er ég bíllaus og fæ síðan í dag þennan líka fallega bíl.....nýskoðaðan, á nýjum felgum og dekkjum.

Mamma hringdi í gær og voðalega gott hljóð í þeim. Veðrið frábært og gott fólk með þeim.

Nú er maður að búa sig undir að fara að nenna að laga pínu til á laugardegi. Trítill horfir vonaraugum á mig til að gá hvort ég nenni að koma út...en ég er ekki að fara strax með hann...

Annars bara sami grauturinn hér. Talaði mikið í gær er búin að vera að lesa inn auglýsingar fyrir landið og miðin nánast. Las inn auglýsingar í rúmar tuttugu mínútur í gær, en hef verið að lesa fyrir útvarp Norðurland líka. Stendur jafnvel til að ég komi til með að verða auglýsingarödd allra stöðvanna í framtíðinni. Gaman að því.

En bless allesammen.

Hafdís

Fréttir af Portúgalförunum.

Thu, 10 May 2007 12:56:01 GMT

HÆ!

Get ekki byrjað að vinna, er reyndar enn í mat svo alltí lagi. En semsagt er svo södd eftir að fara útí Kaffi Khb og fá mér þessa dýrindis kjötsúpu! Þarf eiginlega bara að leggja mig eftir matinn. En ekki til setunnar boðið hvað það varðar því fór að sjálfssögðu með Trítill í sinn venjulega bíltúr og láta hann hlaupa og finna nokkrar þúfur til að pissa á osf.

En heyrði í mömmu áðan og mjög gott hljóð í þeim. Í gær fór hitinn mest í 34 stig, hún var nýkomin úr sólbaði þegar ég hringdi og var að fá sér kaffibolla í góða veðrinu. Hún sagðist verða verulega vör við hvað mikið væri um að vera á svæðinu við leit af litlu stúlkunni sem var rænt og alls staðar væru löggur. Í gær voru þau að labba heim og þá keyrðu fram hjá þeim þrír stórir lögreglubílar sem keyrðu framhjá og fór að íbúðabyggð nærri ráðhúsinu. Þeir hlupu síðan út lögreglumennirnir úr bílunum, vopnaðir byssum og fóru eitthvað þangað. Hún sagði þau bara hafa beðið á gangstéttinni. Vissulega er öllum brugðið yfir þessum tíðindum og maður sannarlega biður þess að lögreglan finni þá sem rændu stúlkunni, nýjast sem ég var að lesa er að það er einhvern barnaníðingshópur frá Bretlandi sem hefur hreiðrað um sig þarna í Portúgal...maður vonar bara að hann náist ef svo er og litla stúlkan finnist heil á húfi. Ótrúlegur viðbjóðurinn allsstaðar.

Nú annars er það af okkur að frétta að auðvitað býr maður sig undir eitthvað pínu Eurovision, eldar eitthvað svona til að kjamsa á yfir keppninni.

Annars bara gott hljóð í okkur, kalt hérna þessa dagana. En alltí lagi. Akkúrat mánuður þar til við Björk förum til Lanzarote og vissulega hlökkum við til.

Bless í bili

Hafdís

Miðvikudagur....

Wed, 09 May 2007 21:29:54 GMT

Hæ.

Miðvikudagskvöld og ég nýkomin úr göngutúr með þeim Kollu, Bríet, Birtu og Trítli. Var nú alveg að komin að því að gugna á því að ætla að nenna eftir kjötbollurnar en lét mig hafa það og maður er sko miklu hressari fyrir vikið. Sit og horfi á ameríska þáttinn um það hvernig lýtalæknar og það allt getur gert fólk að fegurðardísum. Þetta virðist svo ótrúlega sjálfssagt að fara í svona aðgerð þarna í henni ameríku að það er með ólíkindum. En auðvitað er það oft ástæða en nú einhvernvegin finnst manni þetta þó alltof mikið af hinu góða! ÆÆÆ...en svona er þetta víst...

Annars er bara fínt að frétta af okkur, Hrafn að fara í síðasta prófið á föstudaginn. Þá fer hann að vinna í Hole in one, en hefur nú verið að vinna þar í prófunum og bara lært þar niður frá. Duglegur þessi elska.

Annars nú er allt komið á fullt í vinnunni fyrir kosningarnar og gaman að því. Líður nú alltaf best í vinnunni þegar nóg er að gera. Við Gulli bróðir fórum á fund hér í gær, frambjóðendur frá öllum flokkum og sent beint út í sjónvarpi. Mjög gaman að skreppa svona og fylgjast með. Björk spurði mig þegar ég kom af fundinum hvort hafi verið gaman og ég sagði "jú mjög gaman og líka gaman að fara með sætum strák á flottum bíl"...henni fannst nú fyndið að ég segði þetta um hann bróður minn.

En fór með bílinn í skoðun í dag og þreif hann svo nú glansar hann og á nýjum dekkjum og fínum felgum.

Annars er nú að byrja á stöð tvö einhver þáttur um kynlífsráðgjafa. Mér veitir nú ekki af því að fylgjast með því eins og öllum hinum þáttunum sem eru í gangi. Reyndar eru þessir nú svona tengdir morðum svo ekki bara eitthvað svona eins og það hljómar.

Á morgun er akkúrat mánuður þar til við förum út, hugsa nú ekki mikið um það svosem en virkilega notaleg tilhugsun.

En nú verð ég að fara að fylgjast með.

Bless Hafdís

Stjórnmálin í hnotskurn!

Tue, 08 May 2007 10:06:28 GMT

Nonni litli var aðeins farinn að velta fyrir sér lífinu og tilverunni og einn daginn fór hann til pabba síns og spurði hann: "Hvað eru stjórnmál?" Pabbi hans svaraði: "Jú sjáðu til, það er kannski best að ég útskýri það á þennan hátt: Ég vinn fyrir fjölskyldunni og þess vegna skulum við kalla mig Auðmagnið. Mamma þín stýrir heimilinu og ræður útgjöldunum og þess vegna skulum við kalla hana Stjórnvöld. Við erum til þess að sinna þörfum þínum svo við skulum kalla þig Fólkið. Við getum síðan haldið áfram og kallað barnfóstruna Öreiga. Litla bróður þinn skulum við kalla Framtíðina. Farðu nú og veltu þessu fyrir þér og athugaðu hvort þetta kemur ekki heim og saman. þannig að Nonni litli fór í háttinn og hugsaði stöðugt um það sem pabbi hans sagði honum. Um nóttina vaknar hann upp við grátinn í bróður sínum. þegar hann kemur inn í herbergi hans finnur hann fljótt að bleian hans er blaut og mikil fýla af henni. Hann fer inn í svefnherbergi foreldra sinna og finnur mömmu sína sofandi. þá fer hann að herbergi barnfóstrunnar og finnur að hurðin er læst. Hann kíkir inn um skráargatið og sér föður sinn í rúminu með barnfóstrunni. Að lokum gafst Nonni litli upp og fór aftur í herbergi sitt og sofnaði.

Næsta morgun segir hann við föður sinn. "Pabbi, ég held núna að ég skilji hvað stjórnmál ganga út á." Gott segir faðirinn, segðu okkur frá því. þá sagði Nonni litli: " Jú sjáðu til, á meðan Auðmagnið riðlast á Öreigunum er Ríkisstjórnin steinsofandi. Fólkið er hundsað og Framtíðin er í djúpum skít...

Já ágætt að brosa af þessu þegar styttist í kosningarnar.

Njótið dagsins.

Hafdís